မြန်မာနိုင်ငံရဲ့ လက်ရှိအခြေအနေတွေကို သုံးသပ်ပြီးတဲ့နောက် စစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင် အပါအဝင် လူတစ်ရာကျော်ကို ချမှတ်ထားတဲ့ ကန့်သတ်ပိတ်ဆို့မှုတွေကို ဥရောပသမဂ္ဂ(အီးယူ)က တစ်နှစ်သက်တမ်းထပ်တိုးလိုက်ပါတယ်။
ဗိုလ်ချုပ်မှူးကြီးမင်းအောင်လှိုင် နဲ့ ယာယီသမ္မတဦးမြင့်ဆွေအပါအဝင် စစ်ကောင်စီဝင်တွေ၊ ထိပ်တန်းစစ်ဗိုလ်ချုပ်တွေကစလို့ လူပုဂ္ဂိုလ် ၁၀၃ ဦးနဲ့ အဖွဲ့အစည်း ၂၁ ဖွဲ့တို့အပေါ် အရေးယူပိတ်ဆို့မှုတွေ ထပ်တိုးလိုက်တာ ဖြစ်ပါတယ်။
